GÖGN Á PDF

Litróf tekur við verkefnum á pdf-skráarsniði til prentunar. Skil á pdf formi eykur öryggi og hraðar vinnslu. Nauðsynlegt er að láta allar myndir og grunna sem eiga að ná út í skurð blæða a.m.k. 3 mm út fyrir skorna stærð. Einnig þarf allur texti og önnur prentun sem ekki má skerast af vera a.m.k. 3 mm fyrir innan skurð. Prentsíðurnar þurfa að vera miðjusettar í pdf-skjalinu og í stökum síðum en ekki opnum (spread). Pdf-skjalið má ekki innihalda aðra liti en þá sem eiga að prentast. Passa skal að svart letur sé ekki í öllum litum (registration color). 
Undir 100% SVARTA fleti er hæfilegt að setja t.d. 40%
CYAN, 30% MAGENTA og 30% YELLOW til að fá svarta litinn vel svartan. Verkefni sem unnin eru ofan í stansateikningar (sem við getum sent þér) er best að skila á pdf formi með teikningunni inná. Gæta verður þess vel að teikningin sé í vel auðkenndum sérlit og að allar línur hennar séu með „overprinti“ og skilji ekki eftir „hvít för“ þegar henni er sleppt í útprentun. Nauðsynlegt er að fara vandlega yfir pdf-skjalið áður en það er sent til okkar. 

LITASTILLINGAR
 
Við styðjumst við litastillingar frá Prenttæknistofnun þ.e. frá Móra-hópnum. Í þeim hópi eru nokkrir áhugamenn um tæknimál í prentiðnaði og hafa reynt að koma á aðgengilegum stillingum í Acrobat- og ICC- prófílum.

LITAPRÓFÍLAR
Ekki eru sérstakir prófílar í prentsmiðjunni og eru ástæðurnar meðal annars að útbúa þyrfti prófíl fyrir hverja prentvél jafnvel hverja pappírstegund og þar sem sá sem forvinnur verkið veit oft ekki fyrr en á síðustu stundu á hvaða vél á að vinna verkið þá er einfaldast og öruggast að nýta fyrirliggjandi